Arèh Deddhinah Sampang, Bupati Kalaben Wakil Bupati a Sarengngan Sadhejeh Forkopimda Nyalasè Ka Makam Leluhur
SAMPANG – Bupati Sampang H. Slamet Junaidi kalaben Wakil Bupati Sampang H. Abdullah Hidayat sareng sadhejeh jajaran Forkompimda Sampang nyalasè ka makam leluhur sè majhegheh Sampang, Jumat (23/12/2022).
Acara ka’dintoh saèstonah begien derih rangkaian delem a raya’aghi arèh deddhinah Kabupaten Sampang sè kapèng 399 taon.
Rombongan mèos asarengngan derih Pendapo Trunojoyo Jl Wijaya Kusuma No. 01 Sampang Madureh, Jebeh Tèmor nompak Kereta Kencana kalaben ngangguy busana adat Sampang sè ampon lastarèh è launching nèng bektoh sabelummah.
Menorot informasi sè è ka’ollè Media TransIndonesia.net è lapangan, bedeh sekitar tello’ tempat lokasi sè ampon deddhih titik tojjuwen nyalasè makam Luluhur Sampang ka’dintoh.
Rombongan ngawwelin nyalasè ka makam Kyai Aji Gunung, ben è sepanjang parjelenan rombongan Bupati è sambut kalaben para siswa siswi sambih ngibarraghih bendera mera potè.
Salastarènah nyalasè è lokasi makam Kyai Aji Gunung, è lanjuttaghih nyalasè ka Pebabaran Trunojoyo Jl Pahlawan ben akhir èpon ka Pesarèan Makam Rato Ebhuh.
Aba Idi, sapaan akrab Bupati Sampang ngajek de’ sadhejenah masyarakat sopajeh trèsnah tor arabet kalaben nerrossaghih cita-cita delem a wujud aghih Kabupaten Sampang sè hebat tor bermartabat.
“Napak tilas sè aropa’aghih sejarah pembangunan kodhuh abdhinnah terrosaaghih, parloh dukungan sakabbhinah masyarakat ben sinergi pamekkèran sè akait konsep pembangunan mongghu de’ kemajuan Kabupaten Sampang,” dhebu èpon.
Bupati jhugen mator sopajeh tettep berusaha konsisten nempattaghih sebagai pelayan masyarakat, kadinapah dampak pembangunan ka’dintoh bisa è geressah ongghu de’ masyarakat kalaben terros usaha matèngghih sektor perekonomian.
Orèng nomer sèttong è Kabupaten Sampang ka’dintoh jughen bangga mènangka busana adat sè ampon è launching ben sè èyangghuy, kenyata’annah èpon bennyak filosofi ben tahapan sè lanjheng delem proses rumusannah.
“Panèkah aropa’aghih sala settong upaya sopajeh Sampang a ghedhuwen icon kadhibik, sesuai kalaben sejarah sè ampon è laksana’ghih sareng tim perumus,” ka’dintoh penjelasan èpon.
Sementara Neng kesempadhen sè padeh, Ketua DPRD Sampang Fadol madepa’, kegiatan nyalasè ka makam leluhur Sampang ka’dintoh, tade’ lain saongghunah terro a reng-sareng manjattaghih dhuweh de’ para arwah leluhur sè majhegeh kokoh è pemerintahan Sampang sè ampon tapongkor sekaligus nanemmaghih nilai-nilai luhur kehidupan a masyarakat.
“Sadhejeh para leluhur Sampang ampon a laksana’aghih peran kalaben memimpin, a bina ben a bangkittaghih semangat juang mongghu de’ masyarakat delem a bangun Kabupaten Sampang sekaligus para pangaseppo ampon sangghup malastarèh sabhereng macem permasalahan sè bedeh è zaman sè tapongkor,” penjellassennah epon.
Fadol jhughen ngarep kalaben kegiatan nyalasè panekah, sadhejeh bisa nga’ollè barokah ben generasi penerus ka’dintoh mampu a lanjuttaghih arebbhen para leluhur mongghu de’ Kabupaten Sampang lebi saè tor lebi maju. (Yan’s)
